Wicked (sioe gerdd)

Wicked
Poster y sioe wreiddiol
Cerddoriaeth	Stephen Schwartz
Geiriau	Stephen Schwartz
Llyfr	Winnie Holzman
Seiliedig ar	Yn seiliedig ar nofel Gregory Maguire Wicked
Cynhyrchiad	2003 San Francisco peilot 2003 Broadway 2005 Taith Genedlaethol yr Unol Daleithiau 2005 Chicago 2006 Universal Studios Japan 2006 West End 2007 Los Angeles 2007 Tokyo 2007 Stuttgart 2008 Melbourne 2009 San Francisco 2009 2il Daith Genedlaethol UDA
Gwobrau	Gwobr Drama Desk am Sioe Gerdd Eithriadol Gwobr Drama Desk Award am Lyfr Eithriadol o Sioe Gerdd Gwobr Drama Desk am Eiriau Eithriadol Gwobr Drama Desk am Gerddorfeydd Eithriadol

Sioe gerdd yw Wicked, sy'n seiliedig ar y nofel boblogaidd Wicked: The Life and Times of the Wicked Witch of the West gan Gregory Maguire, sy'n debyg i nofel glasurol L. Frank Baum, The Wonderful Wizard of Oz ond o safbwynt gwrachod Gwlad Oz. Ysgrifennwyd y caneuon a'r geiriau gan Stephen Schwartz a'r llyfr gan Winnie Holzman.

Mae'n adrodd hanes Elphaba, Gwrach Greulon y Gorllewin a'i pherthynas gyda Glinda, Gwrach Dda y Gogledd. (Yn nodiadau'r albwm, esbonia Gregory Maguire ei fod wedi creu'r enw "Elphaba" o lythrennau cychwynnol enw L. Frank Baum.) Mae'r ddwy'n brwydro i ddatblygu eu perthynas er gwaethaf eu gwahaniaethau o ran personoliaethau a safbwyntiau, y ffaith eu bod yn cystadlu am yr un cariad, eu hymatebion i lywodraeth anonest Oz ac yn y pen draw cwymp cyhoeddus Elphaba o'i huchelfan. Mae'r rhan fwyaf o'r plat wedi ei osod cyn i Dorothy gyrraedd o Kansas, a cheir nifer o gyfeiriadau i olygfeydd a deialog enwog o'r ffilm The Wizard of Oz.

Agorodd y sioe ar Broadway, Dinas Efrog Newydd ar 30 Hydref 2003. Cafodd ei gynhyrchu gan Universal Pictures a'i chyfarwyddo gan Joe Mantello, gyda'r llwyfannu cerddorol gan Wayne Cilento.